बेमफोर

बारा गोब्राबैनो बारथारदों
बारहु़ंखा नङा नाथाय सिमब्रेलायदों
जेथिं बारलांदों न’बां बिफां लाइफां बायफ्लेजोबलांदों
सिबाय- आगोमा दावसिन दावलाफोर
दायनां सुजिनां गासिबखौबो खोमानांदों।

सोरांबायना सोराङाखै जाखो
दावलायाबो गेसेराखिसै माथो
एफाग्राब खोमसि हादोरसि बिदोरसि
खोनायोबोल’ फेसानि मेव मेव सोदोब
गोजांस्रिव स्रिव गिसि गिसि।
 
नै बिमा- मादै आलायस्रियाथ’ फिसाजो सावख्लियाबो न’आव गैया
गेग्रेब ग्रेब देरायाबो अबस्था गैया
सिबाय आयं नाग्रिआबा माबादि थासारियाव दं
जोंमालाय बोरै थांलायखो सोरनिबा खाथियाव
खदै मन’नानैनो थानाङो लक्ष्मन रेखानि सिङाव।

जिबनि जिउ बेमफोरबादि बेसेनगैयै बेसाद
सान हाबनायनि उनाव मिजिंथिनोनो हाया सान गोरलै
सोंलु बेरखांफैयो गोरबो इसिङाव
आफा इसोर फैफिनबावदो खेबसेबाव बे संसाराव
सैथो, नियाइ, अन्नाय आरो सुबुंथिआ नुजासारथोंसै मोगथाङारि मह’राव ।