आं बिग्रायारि
नङा उदखारि नों बुंनायबादि
थांखिया मोनसेल’ थामोनथानि,
अदेबानि-
उदखारिया बिसो
जाय नास’यो, गादबो आरो सोबख’यो गुबुननि।
सोरनिबा होग्दावनायाव आं बागदावा
मेगननि जाहाबनायाबो आंनि अस्त्रखौ जानगारहोनो हाया
थांखिया मोनसेल’ थामोनथानि,
बबेखानि-
सान्नो हागौ नोंनि बिमाया बयनिख्रुयबो आंगोसिन
जुदिय’ब्लाबो नोजोराव आंनि आइआ गाज्रिसिन।
आंनावबो दं अरजुननि जिलिरनि बान- अग्नि, बरुन आरो बायु
बेफोर मोनफा मोनफा जिलिर थुंगेहोनाय सुथुरनि आयु
आइनि रैसुमै राव, हारिमु आरो थुनलायानो आंनि जिलिरनि बान
थामहिनबा -
सानदोंबा नों आं सासे लोरबां बर’सा
नेनानै था, होनो थियारि फिन्नायखौ आंबो सासे दावहारुसोखा।
